முன்னாள் கிரிக்கெட் வீரர் உபுல் தரங்க தலைமையில் புதிதாக நியமிக்கப்பட்டுள்ள இலங்கை கிரிக்கெட் தெரிவுக்குழு இன்று இலங்கை கிரிக்கெட் தலைமை அலுவலகத்தில் கூடவுள்ளது.
இன்றைய சந்திப்பின் போது தேசிய அணி தொடர்பான பல தீர்மானங்களை எடுப்பதற்கு முடிவு செய்துள்ளார்கள் எனவும் தெரிவிக்கப்படுகிறது.
எதிர்வரும் ஜனவரி 06 ஆம் திகதி ஆரம்பமாகவுள்ள இலங்கை – ஜிம்பாப்வே போட்டிகளுக்கான இலங்கை அணியை தெரிவு செய்யும் நோக்கில் கிரிக்கெட் தெரிவுக்குழு இன்று கூடவுள்ளதாக உள்ளக வட்டாரங்கள் தெரிவிக்கின்றன.
இந்த கலந்துரையாடலின் போது டெஸ்ட், ஒரு நாள் சர்வதேச மற்றும் T20 கிரிக்கெட் ஆகிய மூன்று வடிவங்களுக்கும் அணியின் தலைமைத்துவம் குறித்து கவனம் செலுத்தப்படும் என மேலும் தெரிவிக்கப்பட்டுள்ளது.
