முல்லைத்தீவு பகுதியில் போதைப்பொருள் வைத்திருந்த குற்றச்சாட்டின் பேரில் மூவர் கைது செய்யப்பட்டுள்ளனர்.
பொலிஸ் விசேட அதிரடிப் படையினருக்கு கிடைக்கப்பெற்ற இரகசிய தகவலை அடுத்து குறித்த மூவரும் நேற்றையதினம் கைது செய்யப்பட்டுள்ளனர்.
குறித்த சம்பவத்தின்போது 34 வயதுடைய சந்தேகநபர் ஒருவரின் வீட்டில் மேற்கொள்ளப்பட்ட சோதனைக்கமைய 914 கிராம் கேரள கஞ்சா மீட்கப்பட்டுள்ளதுடன் சந்தேகநபரை கைது செய்வதற்காக சென்றபோது முள்ளியவளை புதரிகுடா பகுதியைச் சேர்ந்த 25 மற்றும் 26 வயதுடைய கணவன் மனைவி இருவரையும் மோட்டார் சைக்கிள் ஒன்றில் வைத்து 214 கிராம் கஞ்சாவுடன் பொலிஸார் கைது செய்துள்ளனர்.
மேலும் கைதான மூவரையும், இன்று முல்லைத்தீவு நீதிமன்றத்தில் முன்னிலைப்படுத்துவதற்கான நடவடிக்கை பொலிஸாரால் மேற்கொள்ளப்பட்டுவருகின்றது.
