அலைவரிசை தொடர்பில் பாராளுமன்ற தெரிவுக்குழு ஒன்றை நியமிக்க ஆளும் கட்சி உறுப்பினர்கள் தீர்மானித்துள்ளனர்.
இந்த அலைவரிசையானது அரசியலுக்கு எதிரான கருத்துக்களை ஒளிபரப்பி, மக்களை அரசுக்கு எதிராக தூண்டும் நிகழ்ச்சிகளை ஒளிபரப்பியதாக குற்றம் சாட்டப்பட்டுள்ளது.
ஜனாதிபதி ரணில் விக்கிரமசிங்க தலைமையில் நேற்று இடம்பெற்ற ஆளும் கட்சி பாராளுமன்ற உறுப்பினர்கள் குழு கூட்டத்தில் இந்த தீர்மானம் எட்டப்பட்டுள்ளது.
மேலும் சிரச நிறுவனத்தின் தலைவர் ஒருவரும் அரசாங்கத்தை கடுமையாக விமர்சித்து அறிக்கையொன்றை விடுத்துள்ளதாகவும் ஊடக நிறுவனமொன்றின் தலைவர் கருத்து வெளியிடுவது பொருத்தமானதல்ல எனவும் ஜனாதிபதி குறிப்பிட்டுள்ளார்.
இந்த அலைவரிசையானது திட்டமிட்டு அரசாங்கத்தின் வேலைத்திட்டத்தை சீர்குலைக்க எண்ணியுள்ளதாகவும் ஜனாதிபதி சுட்டிக்காட்டியுள்ளார்.
கடந்த காலங்களில் விவசாயிகளை தூண்டிவிட்டு மக்கள் விடுதலை முன்னணியின் போராட்டங்களை ஒளிபரப்பி சிரச அலைவரிசை அரசியல் சதியில் ஈடுபட்டதாக குற்றம் சாட்டப்பட்டது.
அதன்படி, இந்த அலைவரிசை தொடர்பாக நாடாளுமன்றத் தேர்வுக் குழுவை நியமிக்க இறுதியாக தீர்மானிக்கப்பட்டுள்ளது.
